Music: ആർ കെ ശേഖർLyricist: വയലാർ രാമവർമ്മSinger: കെ ജെ യേശുദാസ്Raaga: ഹരികാംബോജിFilm/album: പഴശ്ശിരാജ
ചൊട്ടമുതൽ ചുടല വരെ
ചൊട്ടമുതല്‍ ചുടലവരെ
ചുമടും താങ്ങി
ദുഖത്തിന്‍ തണ്ണീര്‍ പന്തലില്‍
നില്‍ക്കുന്നവരേ
നില്‍ക്കുന്നവരേ
ഈ രാത്രിയിരുണ്ടുവെളുത്തൂ
കിഴക്കുണരുമ്പോള്‍
ഈ നാട്ടിയ കഴുകുമരങ്ങള്‍
കാണും നിങ്ങള്‍
കാണും നിങ്ങള്‍
(ചൊട്ട… )
കാലന്‍ കോഴികള്‍ കൂവി
കഴുകന്‍ ചുറ്റി നടന്നൂ
അറബിക്കടലല ഞെട്ടിയുണർന്നു
ഗിരികൂടങ്ങള്‍ ഞടുങ്ങി
തുടിച്ചു തൂക്കുമരക്കയര്‍ നിന്നു
മരണം കയറിയിറങ്ങീ
മരണം കയറിയിറങ്ങീ
(ചൊട്ട… )
പിറന്ന നാടിനുവേണ്ടി
പൊരുതി മരിച്ചവരിവിടെ
സ്വന്തം ചോരയിലെഴുതിയ ജീവിത-
മന്ത്രം കേൾക്കൂ നിങ്ങള്‍
സ്വര്‍ഗ്ഗത്തേക്കാള്‍ വലുതാണീ
ജന്മഭൂമീ…
ചൊട്ടമുതല്‍ ചുടലവരെ
ചുമടും താങ്ങി
ദുഖത്തിന്‍ തണ്ണീര്‍ പന്തലില്‍
നില്‍ക്കുന്നവരേ
നില്‍ക്കുന്നവരേ