Music: രവീന്ദ്രൻ Lyricist: ഒ എൻ വി കുറുപ്പ് Singer: കെ ജെ യേശുദാസ് Raaga: മധ്യമാവതി Film/album: രാജശില്പി
ആ..ആ..ആ..ആ..ആ..ആ..ആ
പൊയ്കയിൽ കുളിർ പൊയ്കയിൽ
പൊൻവെയിൽ നീരാടും നേരം
പൂക്കണ്ണുമായ് നിൽക്കുന്നുവോ തീരത്തെ മന്ദാരം
കാറ്റിൽ തൈലഗന്ധം നീറ്റിൽ പൊന്നു ചന്തം
പൊയ്കയിൽ കുളിർ പൊയ്കയിൽ
പൊൻവെയിൽ നീരാടും നേരം
പൂന്തിരകൾ പൂശി നിന്നെ പുഷ്പധൂളീ സൌരഭം
പാൽത്തിരകൾ ചാർത്തി നിന്നെ മുത്തു കോർത്ത നൂപുരം
വെൺനുര മെയ്യിൽ ചന്ദനച്ചാർത്താ‍യ്
നീ ദേവനന്ദിനി ഈ തീരഭൂമിയിൽ
തേരേറി വന്നുവോ തേടുന്നതാരെ നീ
പൊയ്കയിൽ കുളിർ പൊയ്കയിൽ
പൊൻവെയിൽ നീരാടും നേരം
സ്നാനകേളീ ലോലയായ് നീ താണുയർഞ്ഞു നീന്തവേ
കാതരേ നിൻ മാറുലഞ്ഞൂ താമരപ്പൂമൊട്ടു പോൽ
കൽപ്പടവേറി നിൽപ്പതെന്തേ നീ
നീയേതു ശിൽപ്പിയെ തേടുന്ന ചാരുത
നീയേതലൌകിക സൌന്ദര്യ ദേവത
പൊയ്കയിൽ കുളിർ പൊയ്കയിൽ
പൊൻവെയിൽ നീരാടും നേരം
പൂക്കണ്ണുമായ് നിൽക്കുന്നുവോ തീരത്തെ മന്ദാരം
കാറ്റിൽ തൈലഗന്ധം നീറ്റിൽ പൊന്നു ചന്തം
പൊയ്കയിൽ കുളിർ പൊയ്കയിൽ
പൊൻവെയിൽ നീരാടും നേരം