Aa raavil malayalam lyrics




Movie:  Orkkuka Vallappozhum 
Music : M Jayachandran
Vocals :  Sudeep Kumar
Lyrics : Changampuzha
Year: 2009
Director: Sohan Lal
 

Malayalam Lyrics

ആ രാവിൽ…ആ രാവിൽ

ആ രാവിൽ നിന്നോടു ഞാൻ ഓതിയ രഹസ്യങ്ങൾ

ആരോടും അരുളരുതോമലേ നീ

താരകാകീർണമായ നീലംബരത്തിലന്നു

ശാരദ ശശിലേഖ സമുല്ലസിക്കെ

തുള്ളിയുലഞ്ഞുയർന്നു തള്ളി വരുന്ന

മൃദുവെള്ളി വലാഹകകൾ നിരന്നു നിൽക്കെ

നർത്തന നിരതകൾ തൻ പുഷ്പിത ലതികകൾ

നൽത്തളിരുകളാൽ നമ്മെ തഴുകീടവെ

(ആ രാവിൽ…‌)

ആലോലം പരിമള ധോരണിയിങ്കൽ മുന്നിൽ

മാലേയാനിലൻ മന്ദം അലഞ്ഞു പോകെ

നാണിച്ച് നാണിച്ചെന്റെ മാറത്തു തലചായ്ച്ച്

പ്രാണനായികേ നീയെന്നരികിൽ നിൽക്കെ

രോമാഞ്ചമിളകും നിൻ ഹേമാംഗകങ്ങൾ തോറും

മാമക കരപുടം വിഹരിക്കവേ

പുഞ്ചിരി പൊടിഞ്ഞു നിന്ന ചെഞ്ചൊടി തളിരിലെൻ

ചുംബനം ഇടക്കിടക്കമർന്നീടവേ

നാമിരുവരും ഒരു നീലശിലാതലത്തിൽ

ആകെ നിർവൃതിനേടി പരിലസിക്കേ

(ആ രാവിൽ….)

നീയെന്നെ തഴുകവേ ഞാനൊരു ഗാനമായി

നീലാംബരാന്തത്തോളം ഉയർന്നു പോയി

മായാത്ത കാന്തി വീശും മംഗള കിരണമീ

നീയൊരു നിഴലാണെന്നാരു ചൊല്ലീ

അല്ലിലെ വെളിച്ചമേ നിന്നെ ഞാനറിഞ്ഞില്ല

അല്ലലിൽ മൂടിനിൽക്കും ആനന്ദമേ

യാതൊന്നും മറയ്ക്കാതെ നിന്നോടു സമസ്തവും

ഓതുവാൻ കൊതിച്ചു നിന്നരികിലെത്തീ

കണ്ണുനീർ കണികകൾ വീണു നനഞ്ഞതാം നിൻ

പൊന്നല കവിൾ കൂമ്പു തുടച്ചു മന്ദം

( ആ രാവിൽ…. )



Orkkuka Vallappozhum
By UncategorizedLeave a Comment on Aa raavil malayalam lyrics

Leave a Reply

Your email address will not be published. Required fields are marked *