സ്വപ്നങ്ങളേ വീണുറങ്ങൂMusic: ദർശൻ രാമൻ
Lyricist: ബാലു കിരിയത്ത്
Singer: കെ ജെ യേശുദാസ്
Raaga: ഹരികാംബോജി
Film/album: തകിലുകൊട്ടാമ്പുറംസ്വപ്നങ്ങളേ വീണുറങ്ങൂ മോഹങ്ങളേ ഇനിയുറങ്ങൂ
മധുരവികാരങ്ങൾ ഉണർത്താതെ
മാസ്മര ലഹരിപ്പൂ വിടർത്താതെ
ഇനിയുറങ്ങൂ വീണുറങ്ങൂ (സ്വപ്ന..)
ജീവിതമാകുമീ വാത്മീകത്തിലെ
മൂകവികാരങ്ങൾ വ്യർഥമല്ലേ
കളിയും ചിരിയും വിടരും നാളുകൾ
കദനത്തിലേക്കുള്ള യാത്രയല്ലേ
കരയരുതേ മനസ്സേ നീയിനി
കനവുകൾ തേടി അലയരുതേ (സ്വപ്നങ്ങളേ..)
ചപലവ്യാമോഹത്തിൻ കൂരിരുൾ കൂട്ടിൽ
ബന്ധനം ബന്ധനം നിത്യ സത്യം
ദാഹവും മോഹവും സ്വാർഥമല്ലേ ഇവിടെ
സ്വന്തവും ബന്ധവും മിഥ്യയല്ലേ ()
കരയരുതേ മനുഷ്യാ നീയിനി
കനവുകൾ തേടി അലയരുതേ (സ്വപ്നങ്ങളേ..)