വെളുക്കുമ്പം കുളിക്കുവാൻMusic: എം എസ് ബാബുരാജ്
Lyricist: പി ഭാസ്ക്കരൻ
Singer: എ പി കോമള
Film/album: കുട്ടിക്കുപ്പായംവെളുക്കുമ്പം കുളിക്കുവാന്
പോകുന്ന വഴിവക്കിൽ
വേലിക്കല് നിന്നവനേ – കൊച്ചു
കിളിച്ചുണ്ടന് മാമ്പഴം കടിച്ചും
കൊണ്ടെന്നോടു
കിന്നാരം പറഞ്ഞവനേ – എന്നോട്
കിന്നാരം പറഞ്ഞവനേ
(വെളുക്കുമ്പോ…. )
കളിവാക്കു പറഞ്ഞാലും
കാരിയം പറഞ്ഞാലും
കാതിനു മധുവാണ് ( – ഇന്ന്
കരക്കാരു നമ്മെച്ചൊല്ലി
കളിയാക്കിപ്പറഞ്ഞാലും
കരളിനു കുളിരാണ് -എന്റെ
കരളിനു കുളിരാണ്
ഒരുമിച്ചു കളിച്ചതും
ഒരുമിച്ചു വളര്ന്നതും
ഒരുത്തനുമറിയില്ലാ () – എന്നാലും
ഒഴുകുമീയാറ്റിലെ ഓളങ്ങള്ക്കന്നത്തെ
ഒരുപാടുകഥയറിയാം
ഈയോളങ്ങള്ക്കന്നത്തെ
ഒരുപാടുകഥയറിയാം
അരളിപ്പൂമരച്ചോട്ടില്
ആറ്റിലെ മണലിനാല്
കളിപ്പുര വെച്ചില്ലേ () – പണ്ട്
കരിഞ്ചീരയരിഞ്ഞിട്ട് കണ്ണഞ്ചിരട്ടയില്
ബിരിയാണി വെച്ചില്ലേ – നമ്മളു
ബിരിയാണി വെച്ചില്ലേ
(വെളുക്കുമ്പോ…. )
കളിയാടും സമയത്തു മറ്റാരും കാണാതെ
കാനേത്തു കഴിച്ചില്ലേ – എന്നെ
കാനേത്തു കഴിച്ചില്ലേ () – ചെറു
പുതുക്കപ്പെണ്ണുങ്ങൾ വന്നു
പുത്തിലഞ്ഞിപ്പൂക്കള് കൊണ്ടു
പതക്കങ്ങളണിയിച്ചില്ലേ – എന്നെ
പതക്കങ്ങളണിയിച്ചില്ലേ
വെളുക്കുമ്പം കുളിക്കുവാന്
പോകുന്ന വഴിവക്കിൽ
വേലിക്കല് നിന്നവനേ – കൊച്ചു
കിളിച്ചുണ്ടന് മാമ്പഴം കടിച്ചും
കൊണ്ടെന്നോടു
കിന്നാരം പറഞ്ഞവനേ – എന്നോട്
കിന്നാരം പറഞ്ഞവനേ